Праваабаронцам вядома, што толькі ў Менску сотні чалавек праходзяць па справах аб удзеле ў пратэстах 2020-га

Яны назвалі гэты ўзровень «шакуючым»:

«Вядома пра некалькі сотняў чалавек, што ў апошнія тыдні сталі фігурантамі крымінальных справаў аб удзеле ў пратэстах.

Гэта завязана з тым, што хутка міне 5 гадоў з моманту акцый пратэсту, а значыць скончыцца тэрмін даўніны прыцягненьня да адказнасьці паводле артыкуле 342 КК, пасьля чаго ўдзельнікаў пратэстаў нельга будзе асудзіць па ім. Але, адзначым, што працягнецца перасьлед паводле артыкуле 293 КК (удзел у масавых беспарадках)».

Праваабаронцы надалей зьбіраюць інфармацыю пра суды і іншы перасьлед.

Вядома пра рост колькасьці праверак і апытаньняў намяжы сярод беларусаў, якія вяртаюцца з-за мяжы дамоў.

ГЛЯДЗІЦЕ ТАКСАМА:

«Я ў роспачы». Пагаварылі з тымі, хто думае вярнуцца ў Беларусь пасьля сканчэньня тэрміну даўніны «за пратэсты»