«У 2020 годзе, калі спачатку зьявілася надзея на палітычныя зьмены ў Беларусі, а потым зьнікла, я вельмі цяжка гэта перажывала. Невыносна балюча было чытаць аб затрыманьнях, арыштах, катаваньнях, звальненьнях, перасьледах людзей, нязгодных з вынікамі выбараў», — расказвае Натальля Говарава сваю гісторыю на сайце BySol.
За камэнтары з асуджэньнем бесчалавечнасьці і беззаконьня прадстаўнікоў улады і сілавікоў яе затрымалі восеньню 2024 году проста на працы.
«Я ніколі ня думала, чытаючы СМІ, што ўвесь той кашмар, празь які праходзяць палітзьняволеныя, давядзецца перажыць і мне», — прызнаецца яна.
Пасьля ператрусу яе адвезьлі на допыт у ГУБАЗіКу. Там ёй і сямʼі пагражалі, абражалі і прымусілі запісаць «пакаяльнае відэа».
Праз два тыдні яе арыштавалі паводле за абразу Лукашэнкі і прадстаўніка ўлады (артыкулы 368 і 369 КК).
Тры з паловай месяцы Натальля правяла ў СІЗА ў нечалавечых умовах: бязь цёплага адзеньня, сродкаў гігіены, безь перадача і спатканьняў. Яе падвяргалі зьневажальным надглядам, зьмяшчалі ў карцэр і адмаўлялі ў мэдычнай дапамозе.
Суд пакараў яе 4 гадамі «хіміі» — а значыць, разлучаў зь дзецьмі
У чэрвені 2025 году, не чакаючы ўступленьня ў сілу прысуду, улады ўключылі Натальлю ў сьпіс «асобаў, датычных да экстрэмісцкай дзейнасьці».
І хоць яна падала апэляцыю на прысуд, але страціла надзею на станоўчае рашэньне. І каб застацца зь дзецьмі, вырашыла зьехаць зь Беларусі
З дапамогай ініцыятывы BySol Натальля зь дзецьмі была эвакуяваная ў Польшчу і цяпер часова пражывае ў прытулку для былых палітвязьняў.
«Застаўшыся бяз усяго ў чужой краіне, нам проста няма на што жыць», — напісала Натальля.
На момант публікацыі сабрана крыху менш за палову патрэбнай на першы час сумы.
Форум