Гэта Данецкая, Кіраваградзкая, Днепрапятроўская, Сумская, Хэрсонская, Валынская, Запароская, Мікалаеўская, Адэская і Жытомірская вобласьці. Пасьля нападу працягваюцца выратавальныя апэрацыі.
«У Сумах пашкоджана крытычна важная інфраструктура — некалькі тысяч сем’яў засталіся без электрычнасьці. Па Шостцы былі нанесены камбінаваныя ўдары. У Адэсе пашкоджаны жылы дом. Шэсьць чалавек атрымалі раненьні, у тым ліку дзіця. На жаль, адзін чалавек загінуў. Па Паўлаградзе ўдарылі ракетамі і бесьпілётнікамі. «Яны пашкодзілі жылы дом, важную інфраструктуру», — напісаў ён у тэлеграме.
У Адэсе ў выніку начнога нападу Расеі адзін чалавек загінуў, трое атрымалі раненьні, паведаміў кіраўнік абласной ваеннай адміністрацыі Алег Кіпер.
Мэр Масквы Сяргей Сабянін паведаміў у Telegram, што ў ноч на суботу на падлёце да Масквы было зьбіта 13 украінскіх бесьпілётнікаў. Тэлеграм-канал «Асьцярожна, Масква» піша, што бесьпілётнікі зьбівалі ў Істрынскім і Сонечнагорскім раёнах Масквы. Блізкі да расейскіх сілавікоў канал Shot паведамляе, што выбухі былі чутныя ў Нахабіна і Зеленаградзе. У маскоўскіх аэрапортах Дамадзедава і Шарамецьцева ўводзілі абмежаваньні на працу.
Расейскія вайскоўцы рэгулярна атакуюць украінскія рэгіёны з выкарыстаньнем розных відаў зброі — ударных бесьпілётнікаў, ракет, ракетных комплексаў.
Расейскае кіраўніцтва адмаўляе, што расейская армія падчас паўнамаштабнай вайны зьдзяйсьняе мэтанакіраваныя напады на цывільную інфраструктуру ўкраінскіх гарадоў і вёсак, забіваючы мірных жыхароў і разбураючы бальніцы, школы, дзіцячыя садкі, абʼекты энэрга- і водазабесьпячэньня.
Украінскія ўлады і міжнародныя арганізацыі кваліфікуюць гэтыя ўдары як ваенныя злачынствы Расейскай Фэдэрацыі і падкрэсьліваюць, што яны маюць мэтанакіраваны характар.
Форум